ZALDIZKO ARAGIA

Zaldizko Aragia moxal ekologikoak ugaltzen eta hazten dituen enpresa da, baita lortutako haragia salmenta zuzenean saltzen duen enpresa ere. Itzaltzun kokatzen da, Zaraitzuko ibarrean, eta bertako zaldikoak Jaca Navarra arrazako behorrak  dira. Arraza autoktonoa da, eta Pirinioko lurretan oso integratuta dago. Urte osoan estalperik gabe egoten dira.

Zaldikoek sei hilabete amekin ematen dituzte, eta denbora horretan Iratiko larre altuenak aprobetxatzen dituzte, Ori mendiaren magalean. Ondoren, hil arte, amaren esnerik gabe, herriko larre ekologikoez elikatzen dira eta bazka-ekarpena jasotzen dute garai gordinenetan. Sakrifizioa baino egun batzuk lehenago, bi urte bete baino lehen, pentsu ekologikoa ematen zaie ahalik eta haragirik samurrena lortzeko.

 

check_box Etxez etxeko salmenta check_box Kontsumo-taldeak check_box Sukaldaritza edo ostalaritza check_box Jantoki kolektiboa